Бірінші айналымда жерлесіміз Кипрдің 27 жастағы өкілі Маркос Багдатисті қапы қалдырды. Алғашқы сетте кипрлық спортшының бағы жанып, ол Королевті 2:0 есебімен ұтқан. Бірақ отандасымыз дес бермей, 11-ші геймде брейкке қол жеткізді. Нәтижесінде ойынның алғашқы бөлігі 7:5 есебімен аяқталды.
Екінші партияда жеңімпазды тай-брейк арқылы анықтауға тура келді. Онда Королев қарсыласының алдын орап, 7:3 есебімен озды.
Айта кеткен жөн, АТР рейтингісі бойынша қазақстандық теннисші 195-ші сатыға жайғасқан, ал Багдатис әлемнің 37-ші ракеткасы саналады. Бұған дейін аталмыш қос спортшы өзара шеберліктерін сынап көрмеген.
Келесі айналымда жерлесіміздің жолы Филипп Кольшрайбермен түйіседі. Бұл неміс теннисшісі үшін бәсекедегі алғашқы кездесуге айналмақ.
Айта кетейік, Королев жарыстың негізгі сеткасына біліктілік жарыстары арқылы еніп отыр.
