Бұл туралы vesti.kz порталы хабарлады.
Чех маманы Ржиганың «Барысқа» бапкер болып келгенi туралы хабарламаны 14 мамыр күнi ресейлiк сайттардың бiрi таратқан болатын. Онда бас бапкердің ассистенті қызметiне Андрей Потайчук алынады делiнген. Жаңа басшылық команданың сәтті өнер көрсетуін қамтамасыз ету мақсатында клуб құрамындағы легионерлерді көбейтуді көздеп отырғандығы да көрсетiлген едi.
«Әзiрге ешкiммен сөйлескен емеспiн, алайда ҚХЛ-ден ұсыныстар түсiп жатқандығын да жасырмаймын. Бұл iспен менiң агентiм айналысады. Сондықтан нақты кiмдер қызығушылық танытып жүргенiн айта алмаймын. Журналистердiң менi «Барысқа» аттандырып жiбергендерi таңдандырмайды. Себебi бұл Ресей ғой», — дедi бапкер «Советский спортқа» берген сұхбатында.
