Жарыстың соңғы күні ел қоржынына тағы үш алтын медаль түсті. Атап айтқанда, Ислам Бозбаев (-90 келі), Максим Раков (-100 келі) және Гүлжан Иссанова (+78 келі) алтыннан алқа тақты. Оның алдында Елдос Сметов (60 келі) пен Елдос Жұмақанов (66 келі) алтын медаль иегері атанған болатын. Ал Айбек Имашев (60 келі), Ертуған Төренов (73 келі), Александра Подрядова (48 келі), Асхат Телманов (60 келі), Рустам Ибраев (60 келі), Бақдәулет Сәбитов (66 келі), Дастан Ықыбаев (73 келі), Севара Нишанбаева (57 келі) және Мариан Урдабаева (63 келі) сынды спортшыларымыз күміс пен қоланы еншіледі.
Осылайша, жалпы командалық есепте Қазақстан (5-5-7) бірінші орынға көтерілсе, Бразилия (4-2-3) екінші орынға ие болды. Ал Ресей құрамасы (3-0-4) үшінші орынды қанағат тұтты.
