Айта кетейік, соңғы ойында «Барыс» хорваттың «Медвежчак» командасынан (2:3) ұтылған болатын. Сөйтіп, астаналық клуб қатарынан бес ойында жеңіске жетіп, алтыншы матчта қарсыласына жол беріп қойды. Дегенмен, «Барыс» Шығыс конференциясы мен чемпионаттың жалпы турнирлік кестесінде 2-4-ші орындардан түспей келеді. Еншісінде 21 ұпай бар.
Минск қаласының «Динамосы» болса, осы уақытқа дейін 9 ойын өткізіп, соның тек екеуінде ғана жеңіске жетті. Қазір бұл команда 26-орында (лигада 28 құрама бар) тұр.
Бүгінгі «Барыс» — «Динамо» ойынын Астана уақыты бойынша түнгі сағат 22:00-де «KAZsport» телеарнасы тікелей эфир арқылы көрсетеді.