Ерлан Ыдырысов, ҚР Сыртқы істер министрі:
— Өкінішке орай, арамызда осындай сұмырайлар шығып жатыр. Бірақ бұл көргенсіздік, мәдениетсіздік жауапсыз қалмайды. Франкфурттагы осы масқарадан кейін консулдарга қатысты талапты күшейттік. Қазір шетелдегі барлық консулдықтарды тексеріп, тәртіпке келтіріп жатырмыз.
Әлем алдында Қазақстанның атына кір келтіріп, ұятқа қалдырған Германиядағы бас консул Ахат Алпысбаев пен оның көмекшісі Әдіров. Бұл екеу, дипломатиялық поштамен Германияға заңсыз жолмен ірі көлемде темекі тасымалдаған. Қалта қамын күйттегендер осы елдегі шылым бағасының қымбаттығын өздерінше пайдаланбақ болса керек. Қазақстандық диплоамттарды бірнеше ай бойы жасырын аңдыған неміс кеденшілері күдіктілерді ұстау үшін арнайы операция да ұйымдастырған. Енді дипломаттарды оттанына экстрадицялау үшін келіссөздер жүргізіліп жатыр. Бас консул мен оның көмекшісі тіпті Германияда сотталуы мүмкін.