Бүгінгі съездің басты міндеті - «Нұр Отан» партиясының рөлі мен саяси маңызын айқындау. Бұл туралы бүгін Астанадағы Тәуелсіздік сарайында өтіп жатқан «Нұр Отан» партиясының кезектен тыс ХV съезінде партия төрағасы, Мемлекет басшысы Нұрсұлтан Назарбаев айтты, деп хабарлады Твиттерде Ақорданың баспасөз қызметі.
Н.Назарбаев аз ғана жылда «Нұр Отан» 250 филиалы, 6300 бастауыш ұйымы бар алып құрылымға айналғанын атап өтті. «Осыдан 14 жыл бұрын партияның алғашқы съезіне небәрі 400-ге жуық делегат қатысқан еді. Бүгінде олардың саны — 2000-ға жетті, деп атап өтті Президент.