Халықаралық ауыр атлетика федерациясы биылғы жылғы жарыстар кезінде допинг қолданды деген күдікке ілінген 64 спортшы бар екенін жариялаған еді.
Астанада өткен Азия чемпионатында топ жарған Александра Аборнева (+75 кг) мен Александр Зайчиков (94 кг) «допинг қолдануы мүмкін» спортшылардың тізімінде бар.
Егер екі спортшының допингке қатысы бар екені дәлелденсе, олар екі жылға спорттан шеттетіліп, Азия чемпионы атағынан айырылады. Халықаралық ауыр атлетика федерациясы допинг қолданғандардың нақты тізімін жыл соңында жариялайды. Бұл туралы alaman.kz хабарлады.
