22 мемлекеттен 250-ден астам сом білекті атлет сайысқа түскен бүкіләлемдік біріншіліктің жалпыкомандалық есебінде Қазақстан спортшылары үшінші орынға ие болды.
32 келі гір тасын көтеруден ақтөбелік Евгений Гончаров тағы да теңдессіз шығып, биыл да әлем чемпионы атанды. Ол 10 минутта 32 келі гір тасын 85 рет көтерді.
Сондай-ақ теміртаулық Татьяна Потемкина да кәсіби спортшылар арасында әлем чемпионы атанды. Петропавл қаласының өкілі Владислав Третьяков жұлқа көтеруде әлем рекордын жаңартып, чемпионаттың күміс жүлдегері атанды.
Ал Нұрсұлтан Күлдеев, Жадыра Қанапиянова, Тимур Мүшекенов, Михаил Вологодский, Сергей Карпенко, Юрий Константинов және тағы да басқа спортшыларымыз қола жүлдеге ие болды, деп хабарлады alasharena.kz.
