Бұл туралы бүгін Үкімет отырысында ҚР Спорт және дене шынықтыру істері агенттігінің төрағасы Тастанбек Есентаев мәлім етті.
«Қазіргі таңда агенттіктен қазақстандық делегацияның құрамы жасақталуда. Оған жалпы 100-ден астам адамды құрайтын спортшылар, жаттықтырушылар, мамандар және штаб кіреді. Сондай-ақ, біздің құраманы қолдау үшін Сочиге тамақпен, тұрғылықты жермен және спорттық формамен қамтамасыз етілген бірыңғай ұйымдасқан топта шамамен 300 жанкүйер жіберуді ұсынамыз»,-деді ол.
Айта кетейік, 2014 жылы Сочи қаласында өтетін 22-ші қысқы олимпиада ойындарының ашылу салтанаты 7 ақпанда өтеді.
