Азамат Тәжаяқов Бостон терактісін тергеуге кедергі жасауға қатысты айыпты деп танылды

Алқа билер дүйсенбі күні қазақстандық студент Азамат Тәжаяқовты 2013 жылы сәуір айында Бостонда орын алған террорлық актіні тергеуге кедергі келтіруге қатысты айыпты деп таныды, деп жазады ИТАР-ТАСС.

20 жастағы Тәжаяқов екі пункт бойынша, тергеуге кедергі келтіргені үшін (20 жыл) және сөз байласқаны үшін (5 жыл) кінәлі деп танылып отыр. Енді ол 25 жылға бас бостандығынан айырылуы мүмкін. Сот үкімін жариялау күні әлі белгіленген жоқ.