Өзбекстан астанасындағы спорттық бәсекеде 60 келіге дейінгі салмақта Гумар мен Гусман Қырғызбаевтар татамиге шығады. Ал 73 келі салмақта Қазақстаннан Нұрлан Оразалин, 81 келіге дейін — Бекжан Әбдіуәлиев, Эльдар Зәріпқанов. 90 келіге дейін — Айбол Айтбек, 100 келіге дейін Талғат Амренов белдеседі.
Әйелдер арасында 48 келіге дейін салмақ санатында бірінші орын үшін Айгүл Байкүлеева бақ сынайды. 52 келіге дейін — Жібек Құрмашева, Олеся Кутценко, 57 келіге дейін Анна Казюлина және Севара Нишанбаева күреседі. 63 келіге дейін салмақ санатында кілемге шығатын Зәмзәгүл Файзолланованың, 70 келідегі Динара Құдарованың, 78 келідегі Альбина Амангелдиева мен Зарина Раифованың, сондай-ақ 78 келіден жоғары салмақтағы Зарина Әбдірасылованың жеңісті қолдан бермейтіндігі анық.
Еске сала кетсек, алғашқы Гран-при 2013 жылғы қазанда өтті. Ол кезде 20 елден астам елдің спортшылары бақ сынасты. Биылғы жылы өтінімдер саны екі есеге артты, өйткені биылғы бәсеке — олимпиадалық біліктіліктің бөлігі.
