Желтоқсан айында Дүниежүзілік боксшылар кеңесі (WBC) Монте-Карлода 21 ақпанда өтетін Головкин-Мюррей кездесуінің жеңімпазы Коттоға тиесілі орта салмақтағы WBC титулына міндетті үміткер болатынын мәлімдеген болатын.
Қазақстандықты британдықпен жекпе-жекте жеңіске үміткер санайтындар оның пуэрторикандықпен кездесуіне де болжам жасауда. Котто, әрине, өз титулын қорғауға құқылы, ол мұны 2 мамырда Сауль Канело Альвареске қарсы жарыста көрсететін сыңайлы.
«Егер Котто жеңіске жетіп, Головкинмен жекпе-жекте мәртебесін қорғауға шығатын болса, рингте өзгеше жағдай болады деп ойламаймын. Головкин оны бесінші раундқа жеткізбей-ақ нокаутқа жібереді, Котто оны біледі», — деп мәлімдеді Головкиннің бапкері Абеля Санчес Лос-Анджелестегі баспасөз мәслихатында. Бұл туралы Boxingscene.com хабарлады.