Астанада жасөспірімдер арасында бокстан ашық біріншілік өтті

Елордада 2003-2004 жылдары туған жасөспірімдер арасында бокстан қалалық ашық біріншілік ұйымдастырылды. Турнирге Астана, Қарағанды, Тараз және Атырау өңірлерінен 124 жас спортшы қатысты.

Чемпионат қорытындысы бойынша Астана қаласының құрамасы 14 алтын, 11 күміс және 39 қола медаль еншілеп, жалпы топтық нәтижеде бірінші орынға тұрақтады.
Сонымен қатар, белгіленген номинацияларда да үздіктердің аты аталды. «Үздік боксшы» аталымы бойынша Әбдреш Нұрхадам, «Жеңіске деген құштарлық» аталымы бойынша Әлімбек Мадияр марапатталса, «Үздік судья» аталымында Бакиров Бекзат, ал «Үздік бапкер» аталымында Нұрқажиев Әлібек алғыс хаттарға ие болды.