Шара барысында спортшы соңғы жарыстардағы жетістіктерімен қатар болашақтағы жоспары жайында да кеңінен сөз қозғайтын болады.
Айта кетейік, 21 жастағы қазақстандық спортшы 2014/2015 жылғы маусымда ISU (Халықаралық конькимен сырғанаушылар одағы) жарыстарында 4 мәрте жүлдегер атанған еді. Атап айтқанда, ағымдағы жылы 9-15 ақпан күндері Сеулде өткен 4 құрлық чемпионатында алтын, 2015 жылдың 23-29 наурызында Шанхайда өткен әлем чемпионатында қола, 2014 жылдың 21-23 қарашасында Бордода өткен Trophée Eric Bombard жарысында қола, өткен жылдың 4-7 желтоқсанында Загребте өткен «Золотой Конек» жарысында алтын медаль еншіледі.
