Балқашта оқушыны қаққан жүргізуші камераға түсіп қалды

Балқаш қаласында арақ ішіп алған азамат көлігімен мектеп оқушысын қағып кетті. Жаяу жүргіншілер жолағымен өтіп келе жатқан 14 жастағы жасөспірімнің алған соққыдан аяқ қолдары бірнеше жерінен сынған.

Мына кадрлерде оқушының арнайы жолақпен жүріп келе жатқаны анық көрінеді. Алайда қас пен көздің арасында болған соққыдан бала қалпақтай ұшты. Салдарынан бірнеше жерден сүйектері сынып, жансақтау бөліміне түскен. Ал көлікті мас күйінде жүргізген 52 жастағы азаматтың сол жерде қолына кісен салынып, қамауға алынды.

</br>