Ахметов сотында күдікті шенеуніктің қолына кісен салынды

Оған Телғаринннің қызуқанды мінезі себеп болыпты. Экс-шенеунік тергеу кезінде айыптаушы тараппен салғыласып судьяның сөзін бөлгендіктен үнемі ескерту алып жүретін. Ал бүгін, процестегі үзіліс кезінде куәгердің бірімен сөзге келіп, жанжал шығарыпты. Осы қылығынан соң прокурорлар сотқа арызданып судья қамауда отырсын деген шешімді дем арада шығара салды. Осылайша, жер қатынастары бөлімін басқарған тұстағы былықтарымен шатылып жатқан экс-шенеунік, қамауда отырған Бауыржан Әбдішев және Мейрам Смағұлов сынды үзеңгілестерінің қасына кетті.