Айтыс ЮНЕСКО-ның мәдени мұралар тізіміне енді

Бұндай шешім Рухани құндылықтарды қорғау комитетінің  Намибияда өткен оныншы сессиясында қабылданған. Ұлтымыздың ұлы өнерін ЮНЕСКО-ның қарамағына ұсыну идеясы 2013 жылы айтылған еді. Ал былтыр қарашада киіз үй мен күй осы ұйымның қорғауына өтті. Арада көп уақыт өтпей, міне енді айтыс та әлемдік өнер жауһарларының қатарынан табылып отыр. Айта кетейік, Қазақстан сонымен бірге, Наурыз мейрамы және құсбегілікті де ЮНЕСКО тізіміне ұсынып қойған.