Түнде «Хово» жүк көлігінің жүргізушісі жол жиегінде тұрған «Вольво» жүк көлігіне соғылды. Қатты соққыдан «Вольво» жақын тұрған жаяу жүргіншіге қарай сырғыды. Алынған жарақаттар салдарынан 19 жастағы Алматы облысының тұрғыны оқиға орнында көз жұмды. Жаяу жүргіншіні соққан «Вольво» «Ман» жүк көлігіне де соғылды.
26 жастағы «Хово» жүргізушісі соқтығысу салдарынан жарақаттанып, оны Шымкенттегі ауруханаға жеткізді. Аталған факт бойынша ҚР ҚК 345-бабына сәйкес сот алдындағы тергеу жүргізіліп жатыр. Бірқатар сараптама тағайындалды.