Бұл туралы аймақтық ТЖД баспасөз қызметі хабарлады.
«Ағымдағы жылдың 16 желтоқсан күні таңғы уақыт 08:53 минут шамасында Бурабай ауданының Қотыркөл ауылында жекеменшік тұрғын үй өртке оранды. Тілсіз жауды ауыздықтауға ТЖД «өрт сөндіру және апатты-құтқару жұмыстары қызметі» ММ-нің жеке құрамынан 21 адам және 4 арнайы өрт сөндіру техникасы жұмылдырылды. Оқиға орнынан 1962 жылғы ер адамның мәйіті табылды.
Сонымен қатар, осы күні түстен кейін 16:12 минут шамасында Жарқайың ауданының Зерноград ауылында тұратын 1940 жылғы Марина Ленкинаның пәтерінде де өрт болды. Тілсіз жауды ауыздықтау барысында үй иесі мен 1936 жылғы әйелдің денесі табылды», — делінген хабарламада.