Анкарада жабық базар өртеніп кетті

Түркия астанасы Анкарада жабық базар өртеніп кетті. Оқиға бүгін жергілікті уақыт бойынша таңғы 4:30-да тіркелген. Алдын ала ақпарат бойынша өрт электр сымдарының тұйықталуынан болуы мүмкін, деп жазады 24.kz.

Түрік ақпарат құралдарының мәліметі бойынша тілсіз жау кәсіпкерлерді есепсіз шығынға батырып отыр. Өйткені от жалмаған Османлы халық базарындағы 253 дүкен түгі қалмай өртенген. Апаттың мән-жайын анықтау үшін арнайы комиссия бекітілді.