ШҚО төтенше жағдайлар департаменті баспасөз қызметінің мәліметіне сүйенсек, Өскеменде өрт сөндірушілер дала өртімен күресіп жатыр, деп хабарлайды Caravan.kz медиа порталы ҚазАқпарат-қа сілтеме жасап.
Тілсіз жау 27 маусымда қаладағы Станиславский көшесінің бойындағы Скалистое саяжай қауымдастығында шыққан. Жалынның жалпы ауданы — шамамен 2 гектар.
«Ашық алаңда шөп өртенуде. Жағдайды қатты жел мен техниканың жетуіне қиын таулы жер қиындатуда. Өртті сөндіруге облыстық ТЖД мен орман шаруашылығынан 68 адам және 13 техника жұмылдырылды», — делінген ақпаратта.
Еске салсақ, осыған дейін Өскеменде халыққа қызмет көрсету орталығы отқа оранғаны хабарланған.