Бұл туралы Caravan.kz медиа порталы BAQ.kz-ке сілтеме жасап хабарлайды.
Әдетте, адам өлімі жабдықталмаған, шомылуға тыйым салынған жерлерде болады. Қайғылы оқиғалардың негізгі себептері: өз күштерін қайта бағалау, мас күйінде шомылу және балаларды қараусыз қалдыру, — деді Ақмола облысы Төтенше жағдайлар департаментінің офицері Әмір Амангелдинов.
Су айдындарында адам өлімінің алдын алу мақсатында Департамент қызметкерлері күн сайын өңірдің су айдындарында профилактикалық іс-шаралар жүргізеді. Кеше департамент қызметкерлері "Лагуна" және "Восточная" демалыс аймақтарында рейдтік іс-шаралар өткізді. Құтқарушылар демалушыларды судағы қауіпсіздік ережелерімен таныстырды, үгіт материалдарын таратып, құтқару кеудешесінсіз катамаранды пайдалану кезінде бұзушылығын анықтады.
Су айдындарында қауіпсіздік шараларын сақтау қажет. Есіңізде болсын, сіздің өміріңіз сіздің қолыңызда!, — деп ескертті Ақмола облысының Төтенше жағдайлар департаменті.