Бұл туралы Caravan.kz медиа порталы ҚазАқпарат-қа сілтеме жасап хабарлайды.
«Загорск оптико-механикалық зауыт аумағындағы»Пироросс«кәсіпорнында болған жарылыстан зардап шеккен 5 адам жансақтау бөлімінде жатыр. Жағдайлары – ауыр», делінген Мәскеу облысы Сергиев Посад қалалық округі әкімшілігінің ресми Telegram-арнасында.
Қазіргі уақытта 38 адамның зардап шеккені хабарланып отыр.
«Жедел желіге хабарласып жатқан адамдар тым көп. Аурухана өкілдері жағдайға түсіністікпен қарауды сұрайды. Дәрігерлер қолынан келгенін істеп жатыр», — деп толықтырды әкімшілік өкілдері.
«Загорск оптико-механикалық зауытындағы жарылысқа келер болсақ, мәліметтердің бәрі – алдын ала болжам. Қазір өндіріс орнында жедел қызметтер жұмыс істеп жатыр. Детонация пиротехника қоймасынан шыққан. Ол жерді қаладағы танымал компаниялардың бірі жалға алған. Жарылыс себебі – технология процестерінің сақталмауы», — деді Мемлекеттік думаның құрылыс және ТКШ комитетінің төрағасы Сергей Пахомов.