ТМД атқару комитетінің сарапшы тобы Чернобыль атом электр станциясындағы апаттың 20 жылдығына арналған шаралардың жоспарын талқылайды

3-4-ақпанда Минск қаласындағы ТМД атқару комитетінде Чернобыль атом электр станциясындағы апаттың 20 жылдығына арналған ТМД елдерінің бірлескен шараларының жоспарын дайындау және келісу жөніндегі сарапшы топтың отырысы өтеді. Бұл туралы KZ-today тілшісіне ТМД Атқару комитетінің баспасөз қызметінен хабарлады.

Бұл жоспар ТМД мемлекет басшыларының 2004-жылғы 16-қыркүйекте Астанада өткен саммитінде қабылданған шешімге сәйкес жасалуда.

Отырыста аталмыш қайғылы оқиғаның 20 жылдығына арналған бірлескен шараларды ұйымдастырып өткізу мүмкіндіктерін, Чернобыль атом элеектр станциясындағы апаттың зардабын жоюға қатысушыларды әлеуметтік қорғау саласындағы жағдайды, болашақ ынтымақтастық бағыттарын талқылау көзделген.