АСТАНА. 23 – сәуір. Kazakhstan Today. Қазақстанға 24 – 27-сәуірде АҚШ мемлекеттік департаментінің бизнес және коммерция мәселелері жөніндегі арнаулы өкілі Джей Франк Мермоудтың үшкүндік сапары жоспарлануда, деп хабарлайды Kazakhstan Today агенттігінің тілшісі.
Бүгін Астанадағы брифингте Қазақстан Республикасының Сыртқы істер министрлігінің ресми өкілі Ержан Ашықбаевтің хабарлауынша, алдағы сапар барысында Қазақстан Республикасының даму институттары мен үкіметтің экономикалық блоктарының басшыларымен кездесуі өтеді деп жоспарлануда.
“Сапардың мақсаты бизнес және коммерция саласындағы екіжақты ынтымақтастықтар мен мемлекеттік-жеке серіктестік мәселелерін талқылау болып табылады”,- деп түсіндірді сыртқы істер министрлігінің ресми өкілі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті