Баспасөз қызметінің ақпаратына сәйкес, Жамбыл облысында «Айша бибі» шекаралық бақылау бөлімінде көлік құралдары мен жүктерді тексеру барысында Ош-Новосибирск бағытында жол тартқан «Мерседес Бенц» шағын автобусының жолаушысы ұсталды. Қырғызстан азаматының жүктерін тексерген кезде оның сөмкесінің қосалқы түбінен ірі көлемде есірткі партиясы табылды. «Жалпы салмағы 3 килограмм героин тәркіленді»,- деп хабарлайды баспасөз қызметі.
Сонымен бірге Павлодар облысында «Өрлі төбе» бақылау бекетінде көлік құралдарын тексеру барысында Павлодардан Омбыға бет алған бағытты автобуспен келе жатқан Қазақстан азаматы ұсталды. «Оны ұстауға себеп — 100 мың ресей рублі көлеміндегі валютаны декларацияда көрсетпеу болып табылды»,- деп хабарлайды баспасөз қызметі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті