2017 жылы Еуроодақта роумингіге төлем алынып тасталады

«2015 жылғы 1 қазанда ЕО Кеңесі 2017 жылдың ортасына қарай Еуроодақта роумингі үшін төлемді алып тастау жөніндегі жаңа ережелерді ресми бекітті», - делінген хабарламада.

Қаулы бірінші оқылымда Еуроодақ елдерінің сауда, экономика және инновациялар мәселелеріне басшылық ететін министрлерінің Брюссельдегі кездесуінде қабылданды.

«Еуропарламент қазан айының аяғында пленарлық отырысында құжат мәтінін мақұлдайтыны күтіледі», - деп атап көрсетілген мәлімдемеде.

Регламент Еуроодақтың ресми журналында жарияланған соң үш күннен кейін күшіне енеді. ЕО Кеңесінің баспасөз қызметі бұл ағымдағы жылғы қарашада болады деп пайымдайды.

Сонымен бірге, заңда алғаш рет пайдаланушылардың интернетке кедергісіз және тең жағдайда қол жеткізілуіне кепілдік беретін жалпыеуропалық ережелер жазылатын болады.