Алматыда екі тапаншамен қаруланған ер адам ұсталды

деп хабарлады қалалық ІІД баспасөз қызметінен.
Бейсенбіде таралған хабарламаға қарағанда, кеше кешке полиция қызметкерлері Абай даңғылы мен Розыбакиев көшелерінің қиылысында "Дэу" маркілі көлікті тоқтатқан.
Көліктің салонын тексеру кезінде жолаушының аяғы астынан тапанша табылған. Сондай бір қару оның шалбарының оң қалтасынан шыққан, онда тағы алты оқ болған. Ұсталған жігіт қаруды тауып алғандығын, оны полицияға өткізбек болғандығын мәлімдеген.
Бұл факті бойынша сотқа дейінгі тергеу жүргізілуде, сот-баллистикалық сараптама белгіленген.