Қайғылы оқиға бүгін Райымбек және Розыбакиев көшелерінің қиылысында орын алған. «Фотон» маркалі жүк көлігінің жүргізушісі тұрақтан шығып келе жатқанда артқа қозғала отырып, 57 жастағы әйел адамды қағып кеткен. Жолаушының қолында құндақтаулы сәби болған.
Салдарынан 1 айлық нәресте сол жерде қайтыс болды. Ал, әйел ауыр дене жарақатымен ауруханаға жатқызылды.
Аталған дерек ҚР ҚК 345-бабына сәйкес сотқа дейінгі тергеу ісі реестріне тіркелді. Қажетті сараптамалар тағайындалды.
Көлікті тізгіндеген 1990 жылы туған Алматы облысының тумасы қазір уақытша ұстау оқшаулағышына қамалды.