Тұла бойына сұлулық тұнған құс патшасын қазақ халқы кіршіксіз махаббат пен адалдықтың нышанына балайды. Бірақ мұны естен шығарған қаскөйлер жылы жаққа ұшып бара жатқан 2 аққуды атып алған. Жалпы, қазір Обалыкөл аумағында аңшы атаулының сайран құратын кезі. Ал онсыз да сиреп бара жатқан аққуға ауыз салған үшеу полицияның алдында жауап беріп жатыр. Браконьерлерге көп мөлшерде айыппұл салынуы немесе 3 жылға дейін бас бостандықтарынан айрылуы мүмкін.