Режиссер Еркін Рақышевтың айтуынша, экс-министр Арыстанбек Мұхамедиұлы оған үкіметке тиіспесең, конкурстан өткіземін деп айтқан.
Бұл туралы ол "Айтамыз" бағдарламасында айтты, деп хабарлайды Caravan.kz медиа порталы.
"Киноны қолдау орталығы ашылған кезде оған қарсы болған адамның бірі мен едім. Тоқаев президент болған кезде мемлекеттік мекеменің жанынан ашылған ұйымдарды тоқтату керек деген. Дәл осылай Тоқаев айтып жатқан кезде киноны қолдау орталығы ашылады. Сонда мен бұл дұрыс емес, бүгінге дейін мемлекеттен бөлінген ақша қалай жетіп отырды солай жете берсін деп айтқанмын. Менің ойымша бұл орталықтың ашылуы дұрыс емес. Сол кездерә Арыстан айтқан Еркін, сен сценарийді бір кісідей жақсы жазасың, оны халық мойындап отыр. Сенің киноларыңның сапасы жоқ екені қаражатқа байланысты. Менен бір-ақ талап үкіметке тиіспе, министрлікті сынама, сен конкурстан өтесің. Аузыңды жапсаң ақша береміз деді Арыстанбек. Мен ақшаны алмай-ақ өмір сүремін деп айттым", — дейді ол.