Атырауда 1 қаңтардан бастап зейнеткерлер мен мектеп оқушылары қоғамдық көлікте тегін жүре бастайды

Атырауда 1 қаңтардан бастап қоғамдық көлікте жүру құны қымбаттайды, алайда дәл осы күннен бастап зейнеткерлер мен мектеп оқушылары қоғамдық көлікте тегін жүре бастайды, деп хабарлайды «ҚазАқпарат» ХАА-ның өңірдегі тілшісі.

«2016 жылдың 1 қаңтарынан бастап Атырау облысында қоғамдық көлікте билет бағасы 50 теңгеден 80 теңгеге көтеріледі. Алайда қазіргі сәтте жол жүру құнының 50 пайызын ғана төлеп жүрген зейнеткерлер мен мектеп оқушылары үшін қоғамдық көлік тегін қызмет ете бастайды. Ал студентерге 50 пайыздық жеңілдік жасалады», — делінген хабарламада.