Жарияланды: 480

Атырауда ІІІ Халықаралық Солтүстік-Каспий аймақтық "Атырау Билд 2004" атты құрылыс көрмесі өтеді

24-26-наурыз аралығында "Атырау" спорт кешені аумағында ІІІ Халықаралық Солтүстік-Каспий аймақтық "Атырау Билд 2004" құрылыс көрмесі өтеді. Бұл туралы KZ-today тілшісіне Iteca компаниясынан хабарлады.

Көрме аймақта құрылыс индустриясының дамуына түрткі болу, экономиканың аталмыш саласына инвестиция тарту, Атыраудың іскерлік беделін арттыру мақсаттарын көздейді. Қатысушылар көрменің мынадай бөлімдері бойынша өнімдерін көрермен назарына ұсына алады : құрылыс материалдары және салалық қызмет түрлері, жылыту жүйелері, интерьер, изоляциялық материалдар мен технологиялар, сантехника, құрал-жабдықтар т.б. Ұйымдастырушылардың айтуынша, көрмеге қатысушылар саны 2003-жылғымен салыстырғанда 25 процентке өскен. Атап айтсақ, форумға Әзербайжан, Дания, Германия, Қытай тәрізді дүниежүзінің 9 елінен 150-дей компания қатысқалы отыр. Көрмеге қатысушылар арасында "Жыл дебюті" тақырыбында байқау өткізіледі. Үш күнге созылатын "Атырау Билд 2004" көрмесіне 7 мыңдай адам қатысады деп күтілуде, дейді ұйымдастырушылар.

Пікір қалдырыңыз

Пікір қалдыру тіркелген пайдаланушылар ғана мүмкін