Бүгін Қазақстан аумағының басым бөлігінде жел күшейіп, жаңбыр жауады

Республиканың оңтүстік-шығысының кей жерлерінде қатты жаңбыр жауып, жел күшейеді, тек батыс пен оңтүстікте ауа райы ашық. Түнде және таңертең кей жерлерде тұман күтіледі.

Ақмола, Қостанай, Қарағанды облыстарының кей жерлерінде желдің 15-20 м/с күшеюі күтіледі, түнде және таңертең жекелеген аудандарында тұман түседі.

Алматы, Солтүстік Қазақстан облыстарында, күндіз Павлодар облысының кей жерлерінде желдің жылдамдығы 15-22 м/с жетуі ықтимал.

Шығыс Қазақстан, Жамбыл облыстарының кей жерлерінде күн күркіреп, найзағай ойнайды, желдің 15-20 м/с күшеюі күтіледі.

Қызылорда облысында, Оңтүстік Қазақстан, Батыс Қазақстан, Қарағанды, Қостанай облыстарының кей жерлерінде өте жоғары өрт қаупі сақталады.