Бұл туралы Астанада өткен баспасөз мәслихатында Халықаралық бокс қауымдастығының (AIBA) президенті Чинг-Куо Ву мәлім етті.
«Жақын арада WSB-ге жаңа командалар қосылатындығын хабарлағым келеді, оның ішінде Куба командасы да бар. Менің ойымша, бұл AIBA-ға қосымша қуат бере түседі», — деп атап өтті «Астана арландары» мен «Украиналық атамандардың» WSB үшінші маусымының финалдық кездесуіне қатысқан Чинг-Куо Ву.
Бұл ретте, AIBA басшысының айтуынша, WSB-ге қатысушылардың саны өзгеріссіз қалады — 12 команда.
Жартылай кәсіпқой бокс лигасы АІВА-ға қарасты әуесқой-боксшыларға арналған Халықаралық бокс қауымдастығы болып табылады. WSB-те 5 салмақтық дәреже бар: аса жеңіл — 54 келіге дейінгі, жеңіл — 61 келіге дейінгі, орташа — 73 келіге дейінгі, жартылай ауыр — 85 еліге дейінгі және ауыр — 91 келіден жоғары. Жұдырықтасу үш минуттық бес раундтан тұрады.