Экс-консул Сыртқы істер министрлігімен соттасып жатыр

Сыртқы Істер министрлігін бұрынғы қызметкері сотқа берді. Дипломаттар арасындағы үлкен жанжал Дамаскідегі экс-консул Бабур Дәуренбектің жұмыстан қуылуынан басталған.

Негізі Сириядағы соғысқа байланысты мұндағы өкілдік Иорданиядағы елшілікке ауыстырылған екен. Алайда, Амман қаласына бала-шағасымен көшкен Бабур Дәуренбек Иорданиядағы елшімен сыйыспай кейін Сыртқы Істер министрінің бұйрығымен қызметінен қуылыпты. Өзінің айтуынша, елшінің заңсыздығын әшкерелеймін деп Қазақстанға қайтарылғанын айтады. Бір қызығы «жұмыстан заңсыз қуылдым» деген экс-консул бүгін сотқа келген жоқ. Оның мүддесін екі бірдей адвокаты қорғап жатыр. Ал далада қалған дипломат Сыртқы Істер министрлігінен қайта қызметке алуды талап етіпті.

Айжан Ақбасова, адвокат:

-Сыртқы министрлігі Бабур Дәуренбектің дәлелдерін тыңдағысы келмеді. Біз мұны бұлай қалдырмаймыз. Халықаралық сотқа арызданып әділдікті талап етеміз!

Әріптестер жаңалығы

Пікір қалдырыңыз