Жарияланды: 460

Елімізде күн суытады деп күтілуде - "Қазгидромет" РМК

Таяу күндерде еліміздің солтүстік, шығыс және орталық бөлігінде күн шұғыл суытып, желді жаңбыр жауады деп күтілуде. Бұл туралы "Қазгидромет" РМК-на сілтеме жасай отырып ҚР төтенше жағдайлар жөніндегі Агенттігі ескертеді.

Атап айтсақ, 9-12-қыркүйекте Қостанай облысында, 10-12-қыркүйекте Солтүстік Қазақстан, Ақмола және Қарағанды облыстарында, 11-12-қыркүйекте Павлодар облысында жылдамдығы секундына 15 метрге дейін желмен қоса жаңбыр жауып, ауаның температурасы түнде 3-10 градусқа дейін, ал күндіз 13-18 градусқа дейін, кей жерлерде 22 градусқа дейін төмендейді деп күтілуде. Шығыс Қазақстан облысында 10-12-қыркүйек аралығында ауаның температурасы түнде 7-12 градусқа дейін, ал күндіз 15-20 градусқа дейін төмендейді.

Пікір қалдырыңыз

Пікір қалдыру тіркелген пайдаланушылар ғана мүмкін

Закрыть