Жарияланды: 420

Елімізде туды балконға іліп көшеге жамылып шыққандар жазаланбайтын болды

Патриоттық сезіммен көк туды желбіреткендер қудаланбауы керек! Отандық спортшылардың жеңісі үшін байрақты көшеге алып шыққандарға тәртіп сақшылары қыр көрсетпеуі тиіс. Сонымен қатар шет елдік компанияларға Қазақстан туын ілу міндеттелді.

«Мемлекеттік рәміздер туралы» заңға осындай өзгерістер еніп отыр. Оған сәйкес шетелдік компаниялар ғимараттарының алдына қазақ байрағын желбіретіп іліп қоюы тиіс. Бұл отан сүйгіш патриоттарды тәрбиелеуге септігін тигізеді дейді Мәдениет министрлігі. Өйткені, мемлекеттік рәміздерді қорлау деректері де тиылмай тұр. Мәселен атыраулықтар Елтаңбаны қоқысқа тастаса, Шымкентте керісінше туды тулаққа айналдырып қоқыс тазалағанын талай айтқан болатынбыз. Сондықтан ұлт жанашырлары бұған қоса мемлекеттік рәміздерді қорлағандарға қатысты жазаны күшейтуді де сұрап отыр.

Жандарбек Мәлібеков, ҚР Елтаңба авторы:

-Шын мәнінде бұл мәселе қайталанып келе жатыр. Сондықтан мұны жалпы халықтық немесе депуттарға талқылауға жіберу керек. Біздің заңдарымызда шын мәнінде кейбір нәрселер шектелген. Қалай қолдану керек, не дұрыс не дұрыс емес анық көрсетілмеген.

Пікір қалдырыңыз

Пікір қалдыру тіркелген пайдаланушылар ғана мүмкін