Гофротара шығару жөніндегі павлодарлық зауыт қуаттылығын 2,5 есеге арттыру үшін 211 млн теңге инвестициялады
|
Павлодарлық "Гофротара зауыты" ЖШС гофрокартон шығару жөніндегі екінші линияны іске қосты, деп хабарлады "Интерфакс-Қазақстан" агенттігіне кәсіпорынның директоры Гүлнәр Қайдарова. |
Жаңа линия іске қосылған соң кәсіпорынның өндірістік қуаттылығы 2,5 есеге артты, айына 2 млн шаршы метр гофрокартон шығарылатын болды, деді ол.
Жаңа линия Тайваннан сатып алынған, жобаның құны 211 млн теңгені құрады, оның 150 млн теңгесі "Бизнестің жол картасы-2020" бағдарламасы шеңберінде алынған.
Бұл зауыт 2006 жылы құрылған. Компания өнімдерін қазақстандық өндірушілерге жеткізеді, болашақта Орталық Азия, оның ішінде Өзбекстан рыноктарына шығуды жоспарлауда.
Пікір қалдырыңыз
Пікір қалдыру тіркелген пайдаланушылар ғана мүмкін