Бұл туралы The Wall Street Journal газетіне сілтеме жасап Stan.kz хабарлайды.
Басылымда хабарланғандай, Instagram-ға иелік ететін Facebook-тегілер аталған қосымшаның қолданушылары жүктейтін видеолардың ұзақтығын 1 сағатқа ұзарту мүмкіндігін қарастыруда. Қазіргі уақытта Instagram-да ұзақтығы 1 минуттан аспайтын видеоларды ғана жүктеуге болады.
Сонымен қатар басылымда бұл өзгерістің тік форматта ғана түсірілген видеоларға қатысты болуы мүмкін екені аталған. Ал мұндай формат Instagram Stories қызметіне тән. Оның көмегімен суреттер мен ұзақтығы 15 секундтан аспайтын видеоларды жүктеуге болады.
Әзірге 1 сағаттық видеоларды жазу немесе жүктеу тек Instagram Stories қызметіне ғана енгізілетіні немесе жалпы Instagram қызметінің өзіне енгізілетіні белгісіз. Басылымда аталғандай, әзірге бұл өзгеріске қатысты түпкілікті шешім қабылданған жоқ және жоспарлары өзгеруі мүмкін.
Оқи отырыңыз:
Forbes Головкиннің табысын есептеді
Осы жазда мыңнан астам қазақстандық жетім бала Астанада болып қайтады
Қайтып келетініне сенемін: Марқұм Томирис Байсафаның анасының жазбасы жұртты жылатты
