Йемен мешітінде Құрбан айт намазы уақытында жарылыс болды

Йемен астанасы Сана қаласында Құрбан айт мерекесінің құрметіне оқылған намаз кезінде жарылыс болды, деп хабарлайды gazeta.ru. Рейтер агенттігіне сілтемемен.

Қала көтерілісші хуситтердің бақылауында болған еді.

Жанкештілер мешіттердің бірінде екі жарылғыш затты іске қосқан.

Оқиға салдарынан кем дегенде 15 адам қаза тауып, көптеген азаматтың жарақаттанғаны туралы хабарланып отыр.

Би-би-сидің хабарлауынша, Хусит содырлары наурыз айында Йемен аумағының көп бөлігін, соның ішінде Сана қаласын да жаулап алып, оның президентін елден қуып шығарды.

БҰҰ-ның мәліметтерінше, соңғы төрт айдың ішінде Йеменде болған қақтығыстар салдарынан 4,5 мыңға жуық адам қаза тапқан. Оның арасында кем дегенде 2110 бейбіт тұрғын болған.

Әріптестер жаңалығы

Пікір қалдырыңыз