Мемлекет басшысы «Аяз атаға хат жаз» жобасын қолдады

Мемлекет басшысы Нұрсұлтан Назарбаев Қазпоштаның «Аяз атаға хат жаз» жобасын қолдады. Бастама аясында кез келген адам таңдаған хатын алып, бала арманын орындауға мүмкіндік алады. Елбасы батысқазақстандық Харлашинаға шығармашылыққа арналған Doh Vinci жиынтығы мен жас суретшілер энциклопедиясын сыйлады. Ал Солтүстік Қазақстан облысындағы отбасылық үлгідегі интернат үйінің тәрбиеленушілеріне музыкалық орталық пен қазақ жазушылары кітаптарының жинағын тарту етті. Бұл туралы Ақорданың баспасөз қызметі хабарлайды.