Нағыз көшбасшылар өзінен кейінгі ізбасарларына жол бере білуі тиіс

Бүгін Астанада 7-ші Дүниежүзілік Ислам экономикалық форумы аясындағы жас көшбасшылар форумында сөз сөйлеген ұйымның Жас көшбасшылар қанатының төрағасы Шри Назир Тун Абдул Разак осылай айтты. «Бүгінгі таңда нағыз көшбасшының негізгі көрсеткіші мынада, егер ол белгілі бір ұйымнан кетсе, сол ұйымдағы оның ұжымы жан-жаққа шашырамай, алған қарқынды жоғалтпау тиіс. Міне, сонда ғана осы адамды нағыз табысты көшбасшы деп атауға болады. Осы жолмен біз жас көшбасшыларды тәрбиелеуіміз қажет. Бір сөзбен айтқанда, бүгінгі заманда нағыз көшбасшылар өзінен кейінгі ізбасарларына жол бере білуі тиіс», - деп атап көрсетті Шри Назир Тун Абдул Разак.