Назарбаев әлемнің ақылмандарын арнайы шақырып, Ақордада қонақ қылды

Астанаға ат басын бұрғандардың көбі қазір саясатта жоқ. Десе де, халықаралық мәселелерді шешуде ықпалы әлі бар. Ақордаға Нұрсұлтан Назарбаевтың бастамасымен құрылған ақылмандар кеңесіне Израиль, Польша, Колумбияның бұрынғы президенттері, Испанияның экс-премьері,  МАГАТЭ-нің байырғы директоры Аль-Барадей мен Нобель сыйлығының лауреттары шақыртылған. Дастархан басында ушығып тұрған әлемдегі геосаясат талқыланды. Ал Елбасы әлемдік саясаттың ақсақалы Израильдің 9-шы президенті 92 жастағы Шимон Переспен жеке кездесіп, пікір алмасты.