Жұрттың бұлай дүрлігуіне негіз бар. Өйткені энергетиктер соңғы 6 айда осымен екінші рет тариф көтеру туралы ұсыныс айтып отыр. Бұған қатысты бұқаралық тыңдаулар ұдайы плакат көтеріп келгендердің айғай-шуымен өтетін. Бүгін «Батыс энергоресурсы» электр қуатының құнын 30 пайызға өсіруді сұрады. Айтуларынша, энергия өндіруші ақыны көтерген. Ал монополияға қарсы қызметтің қандай шешім қабылдайтыны жаңа жылда белгілі болмақ. Ал халық арасынан шыққан белсенділердің бұ жолғы наразылығы электр қуатын тасымалдаушыларға дым әсер етпеген сыңайлы.
Снежанна Имашева, «Батыс энергоресурсы» ЖШС директоры:
— Менің ойымша бұл кісілер мұнда әдейі келген. Мүмкін оларға біреулер осы қойылым үшін ақша төлеген шығар. Біздің жиынға бұлар жиі келіп тұрады. Осылай «концерт» қойып кетеді. Оған үйренгенбіз.