Қалбатау ауылында жолдан қалған 250 адамға көмек көрсетілді

Шығыс Қазақстан облысы Жарма ауданының орталығы Қалбатау ауылында бірнеше күннен бері қатты боранға байланысты жолдан қалған адамдарға көмек көрсетілуде. «Омбы-Майқапшағай», «Алматы-Өскемен» сияқты бірнеше маңызды тас жолдың бойында жатқандықтан, бұл елді мекеннен көптеген көлік ағылып жатады. Кешелі бері 250 адамға көмек көрсетілген.

Олардың 70-і қонақүйлерге, 12 ауруханаға, 40-қа жуығы таныстарының үйінде, ал 130-ы спорт залдарына орналастырылған. Бұл туралы аудан әкімі Нұрлан Сыдықов хабарлап отыр. Барлық тамақтандыру орындары да жолаушыларға көмек көрсетуге жұмылдырылған.