Қарағандыда 56 отбасы жаңа пәтердің кілтін алды

«Біздің елімізде Тәуелсіздік күнін мерекелік шаралармен ғана емес, біздің азаматтарымыздың игілігіне бағытталған нақты істермен атап өтудің жақсы дәстүрі қалыптасқан. Осындай істерге бұл үйдің берілуін де жатқызуға болады. Сол арқылы біз Мемлекет басшысы Нұрсұлтан Әбішұлы Назарбаевтың азаматтардың тұрғын жағдайын жақсарту бойынша тапсырмасын орындап отырмыз», - деді облыс әкімі Нұрмұхамбет Әбдібеков пәтер кілттерін табыстау рәсімінде.

Ол, сондай-ақ, аймақта ағымдағы жылдың 11 айының ішінде 272,4 мың шаршы метр арендалық және коммерциялық баспана енгізіліп, мыңнан астам отбасы тұрмысқа жайлы пәтерлер алғанын атап өтті.

2015 жылдың қорытындылары бойынша облыста қаржыландырудың барлық көздері арқылы 307,5 мың шаршы метр тұрғын үйді пайдалануға енгізу жоспарланып отыр.