Қазақ Ұлттық медицина университетінде 2000 - 2007 жылдары "Хизб-ут-Тахрир" ұйымының жетекшілері мен белсенділері оқып шыққан - Түймебаев

Алматы. 21 қараша. "Қазақстан Бүгін" - Асфендияров атындағы Қазақ Ұлттық медицина университетінде 2000 - 2007 жылдары "Хизб-ут-Тахрир" ұйымының жетекшілері мен белсенділері оқып шыққан. Бұл туралы бүгін білім және ғылым министрі Жансейіт Түймебаев Алматыда өткен кеңес барысында мәлім етті, деп хабарлайды агенттік тілшісі.

"Асфендияров атындағы Қазақ Ұлттық медицина университетінде ұлтаралық негіздегі шиеленістер шығуға біршама алғышарттар бар. Ол тұрғылықты халық пен түрік, шешен-ингуш және ұйғыр диаспораларының студенттері арасында байқалуда. 2007 жылғы күзде Тынышпаев атындағы Қазақ көлік және коммуникациялар академиясының аумағында топтар арасындағы төбелес оқиғалары тіркелген. Асфендияров атындағы Қазақ Ұлттық медицина университетінде 2000 - 2007 жылдары "Хизб-ут-Тахрир" ұйымының жетекшілері мен белсенділері оқып шыққан", - деп мәлімдеді Ж. Түймебаев. Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті

Әріптестер жаңалығы

Пікір қалдырыңыз