Жарияланды: 1300

Қазақ-қытай шекарасында жаяулатқан миллионер қолға түсті

Қазақ-қытай шекарасында жаяулатқан миллионер қолға түсті

«Қорғас» шекаралық бақылау отрядының шекара наряды тексеріп-өткізу бекетінде

жасы 70-тегі қарт адамның шекарадан 4 млн астам теңге заңсыз алып өтпек болғанын анықтады, деп хабарлады ҚР ҰҚК ШҚ баспасөз қызметінен. 

«Қорғас» шекаралық бақылау отрядының шекара наряды тексеріп-өткізу бекетінде (қазақ-қытай шекарасы), үстіміздегі жылдың 15 қыркүйегі күні, түс ауа көршілес елден біздің елге қарай жаяу өтіп келе жатқан жасы жетпіске қараған (1946 жылы туған) ҚХР азаматын тексеру барысында, ақсақалдың қол жүгінің арасына жасырылған, әрі жарияланбаған 4 200 000 теңге табылды», делінген хабарламада. 
Мемлекеттік шекарадан заңсыз жолмен қомақты қаржы алып өтпек болған миллионер қартпен ендігі жерде «Қорғас» кеден бекетінің мамандары жұмыс істейтін болады.

Пікір қалдырыңыз

Пікір қалдыру тіркелген пайдаланушылар ғана мүмкін