ҚР Денсаулық сақтау министрлігінің департамент директоры Бейбіт Есенбаевтың айтуынша, аталған мобильді қосымша арқылы ем-домның хаттамаларын алып, оқуға болады. «Дәрігер үшін бұл көмекші сияқты, ол хаттамаларды оқып, ауру-сырқатты емдеудің жолдарын нақтылай алады. Ал қарапайым халық үшін — қазіргі медициналық қызметтер туралы толыққанды ақпарат. Қазақстанның кез келген азаматы сайтқа кіріп, оның ауруын қалай емдеу қажеттігін біле алады», — дейді Б. Есенбаев.
Айта кетейік, «Dariger» атты электронды жүйенің мобильді нұсқасы Қазақстанда жасалған. Әзірше, оны тек Android операционды жүйесі бар құрылғыларға ғана көшіріп алуға болады.